感謝客人Katie Tsang 分享，原文

我同未婚夫由中學既時候已經相識，🥰由拍拖到依家都成18年了，差唔多一半以上既人生都係同對方過，身邊朋友都話我地拍左好耐，但其實我覺得好似過左唔係好耐咁😝。拍左咁耐通常都有傾下結婚話題，早幾年咁岩係Facebook睇到Lovebird Diamond既戒指好靚俾過佢望下，估唔到佢好有心咁記住左❤️。
聽番佢講佢6月左右預約左上去睇求婚戒指，店員Yoko問左佢大約有咩既要求同budget，預先準備定鑽石同戒托俾佢揀。上到去Yoko好好咁講解俾佢知要點樣揀鑽石(GIA上每項解釋俾佢知仲用放大鏡教埋佢睇)，佢最後揀左我鐘意簡簡單單既款式。諗番起我唔知道佢個日出去旺角揀戒指，我仲話佢出旺角買波鞋點解唔叫埋我☹️我想去旺角買野🤣

因為疫情冇得去旅行，直到我生日佢話好多人冇得去旅行就去Staycation所以Book左酒店食玩hea😆，去到酒店佢就拎左鑽石戒拍同我求婚❣️❣️好開心驚喜冇諗過佢會準備定戒指，佢當時拎個盒出黎未打開我仲話點解有咁多生日禮物唔係已經買左部ipad送俾我啦咩，點解仲有禮物收..頸鍊黎架?，點知一打開係求婚戒指💍!!!我好鐘意我地既求婚方式，簡簡單單2人世界❣️。

之後籌備婚禮要買結婚對戒我已經話想搵番Lovebird Diamond，因為佢地有好多日本婚戒仲要價錢好抵，所以預約上去旺角店揀戒指。上到去未婚夫話我知咁岩既🤭依位就係教佢揀鑽戒既店員Yoko。


坐低之後Yoko問左我地鐘意咩類型，再拎左2盤戒指俾我地揀，每揀到一隻岩心水會幫手keep起佢，到最後我地都睇晒成間店既對戒，Yoko全程好細心好有耐性，仲會俾下建議我地應該要點樣襯做一對，因為佢地既戒指除左可以一對咁買仲可以自由配搭。佢地由入門口開始已經做足防疫措施，揀選過程真係好舒服安心。
最後我揀左有7粒白鑽流線形鉑金戒指(Yoko話依個系列既鑽石係特別閃)，未婚夫就揀左磨沙款鉑金戒指，兩隻都係日本製造❣️佢係依到買左求婚戒指所以今次再買對戒我地仲有個舊客優惠tim🥰
另外，我仲見到Lovebird Diamond有好多其他飾物真心都好靚，款式唔會同出面既千篇一律，我遲d要再預約上去買多對鑽石耳環結婚戴❣️❣️