我同我未婚夫相識於4年前,喺(佢既同事=我既朋友)隔空介紹下,我地交換左WeChat聯絡,並相約左某年既2月11日初次見面,2個單身既人喺2月14日再次約會慶祝情人節,當時未婚夫送左金箔玫瑰花比我做情人節禮物,就喺2月18日第3次見面我地就正式拍拖,回想起只係相識1個星期就已經1齊左 😂 

到左2020年既8月,我既生日前夕,未婚夫向我求婚了!戒指💍係喺我介紹下喺LoveBird Diamond搵到Yoko細心講解下購買左粒高品質及有份量既裸鑽石💎 再揀埋個心水戒托,成件事好perfect 🥰 (話說LoveBird Diamond係我喺7-8年前自己上網搵資料想買鑽石送比自己,膽粗粗咁自己1個人去到當時只有北角店既LoveBird,買下我人生第1粒70份D色裸鑽石,我當時仲同老闆講:1卡係留比我未來老公送比我,第時我結婚都會介紹佢黎買鑽石向我求婚咖!)估唔到事隔幾年我未來老公終於出現,求婚前仲話驚買求婚戒指會俾人呃,同埋驚我唔鍾意,所以想叫我親身去揀喎 😆🤣 

緣份下讓我認識到LoveBird間接陪伴我經歷單身自己買鑽石送比自己,到求婚都仲記得你地 👍